Sciana - Тост за прышласць

Текст песни

Нас злучаць рыфмы лёсаў, і тады
Я асэнсую – звыш наканавана
Глытаць пажоўклыя і стылыя гады,
Змяніць усё, што мне імпанавала.

Я зразумею, што спадзеў накшталт
Глытка вады, калі пяршыць у горле.
Я буду шчырым носбітам парад –
Адзінае – на што яшчэ я буду здольны.

І нас памірыць удасканалены вэрлібр,
Калі пачнем шукаць паміж радкамі
Ўсе тыя словы, што раней былі,
А мы ў жыццёвым тлуме прапускалі.

Нас злучаць рыфмы лёсаў. І гады.
Але пасля – яшчэ бязмежнасьць часу.
На тым баку яе – адны крыжы,
На гэтым – мы сёння п’ем за прышласць нашу.