Wolfgang Ambros - Familie Pingitzer Remastered

Текст песни

Wann i, wos jo net oft vuakummt
Am Tog vuaher an Rausch ghobt hob
Und mi ausschlofn mecht, dann geht des net
Weu de oide Pingitzer im Stiegnhaus
Ihrn Mann nochschreit, dass er sei Gablfrühstück vagessn hot
De Stimm von dera reißt an Bärn aus’n Winterschlof
Dann leuts bei mir an und fragt
Obs telefonieren darf, und dann dazählts ihra Schwester
Stundenlang, wos gestern beim Dokta los woa
Zmittag kummt ihner Bua, da blade Alois
Zum Essen ham, und im ganzn Stiegenhaus
Stinkts nach Zwiefe, weus scho wieda a Gulasch kocht
Da Oide kummt a ham und dazählt von da Hockn
Und dann sogt da blade Alois, dass ihm de Hosn z’kla wordn is
Darauf er, da Oide: «Na, dann friß hoit net so vü!»
Oba sie, de Pingitzer, sogt ihm am Kopf zua
Dass er ois Bua genauso vafressn woa —
De Pingitzer san a nettes Ehepaar!
Aufd Nocht, beim Fernsehn, und des tans jedn Tog
Is allerweil no ka Ruah!
Im Wohnzimmer sitzt er, da Pingitzer, mit sein bledn Buam
Und streit se, welches Programm sa se auschaun wolln
Da Alois will zum Beispiel den Kommissar segn
Da Oide den Spurt, weu heute Rapid gegn Benfica spült
Und weu er a Rapid-Anhänga is
De Oide wascht in der Kuchl 's Gschirr ob und schreit:
«Geh Oida, sei net so a Narr!» —
De Pingitzer san ja so a netter Ehepaar !